90s Lazy (觀塘) (已結業)

食晏昼饭时间试下呢间装修望落几简约嘅日式西餐cafe。接近两点到，人唔太多，都坐得舒服嘅。呢度Set lunch都系60至70蚊包一杯热饮，个人觉得呢区里面算难得地抵食。叫咗个健康嘅白汁菠菜鸡肉长通粉，白汁质地比较稀，不过汁份量唔少，绝对够送长通粉。鸡肉几冧身，好夹菠菜，食完成个长通粉都冇咩罪恶感，几好。唯一有啲唔满意系冻柚子蜜唔太够冻，估计系即刻冲完柚子蜜，仲热辣辣个阵就加冰，最后只系比室温冻少少嘅柚子蜜。不过总结都唔错，夜晚想系公司附近食饭个阵都可以回访。