黃枝記 (已結業)

病咗三日唔想再挨冻冰冰嘅三文治, 忽然想食d有热嘅野, 就算最后揾唔到饭脚都要一个人行去食黄枝记, 几年前同朋友系澳门食过一次, 记得都好好味, 初次到香港呢间黄枝记, 原来系喺地库. 可能我早咗离开公司, 去到唔驶等位, 叫咗个午时套餐, 要咗个云吞河, 油菜拣生菜, 半价可以加杯饮品. 生菜 – 够新鲜, 煮得岩岩好, 唔会太熟, 加上另上碟蚝油, 好好味云吞河 – 云吞得三粒 (虽然系menu上面已经清楚写明得三粒, 但都系觉得 “小气” 咗d, 平时大排档食碗云吞面都唔会净系俾三粒你啦, 更何况呢到一碗要成35-40蚊) 觉得味道一般, 系好味但未至于超好味, 河粉一般, 可能都系叫返面会好食d, 话晒佢地出名系因为佢地d面系用独门嘅制造方法.