立鮨 (黃埔天地) (已結業)

立鮨以前系立食，原来而家有凳坐啦。收工去黄埔𠮶边揾嘢食，发现佢开到嚟黄埔 。喺门口睇咗阵Menu，价钱原来唔贵，而且选择又多。我哋入到去坐咗喺吧枱，睇住师傅收咗order之后喺面前新鲜制作，即整即食 。天草真蚝 $38 🦪蚝肉新鲜而且口感丰润，带有浓烈吧海洋鲜味 。火炙秋刀鱼寿司 $29 🐟依家仲算系秋刀鱼季节，火炙处理过嘅秋刀鱼更加鲜美 。极上寿司盛盒 $188 🍣里面包含多种类型的寿司，厚切嘅拖罗咬落无根，非常新鲜 。海胆嘅紫菜唔会太咸抢走咗海胆嘅甜味 。特选三文鱼盛盒 $68品尝咗唔同口感嘅三文鱼，有小圈、辣味、鱼腩同炙烧，口感丰富。严选火炙盛盒 $115🔥火炙处理带出咗鱼嘅油份，令到鱼身更加滑，食落有层次感。最钟意系烧过嘅左口鱼，油份喺口腔有爆出嚟嘅感觉 。三文鱼籽海胆大满足迷你丼 $118 虽然细细碗但每一啖都鲜味十足，最钟意三文鱼籽爆开再混合海胆嘅感觉 。