金牌小龍 (已結業)

突然好想食小笼包，喺尖沙咀iSquare见到一间唔系点洗排队，走左入去坐低试吓先。蟹黄小笼包$48一客有五只，唔算贵，个皮唔系超级薄不过都OK，最重要系里面真系有浓浓嘅蟹黄香味，而且个汤汁都好够多，非常之热，好容易辣亲个口。手撕杏鲍菇$32冇谂过原来系有少少辣嘅冷盘，果汁教得几好，麻油嘅香味同杏鲍菇好夹，个菇好弹牙，好适合做开胃小菜。红油酱牛肉$48本身以为系热嘅，原来都系冷盘嚟嘅，钟意佢用咗大量嘅蒜蓉同埋花生粒，令到个口感同埋香味都出咗好多，牛肉用咗牛展，口感已经唔错，个辣度亦都适中。上海肴肉$52份量都算多，钟意佢切成一片片，沾上醋汁比较容易，味道都有所提升。蟹黄面$138今晚嘅重头戏一定系呢一个蟹黄面，上嘅时候面同埋蟹黄汁分开，个汤黄金色，好亮丽，里面除咗有蟹黄，蟹肉，仲有虾仁，啲虾仁好弹牙，有好浓嘅蟹黄甘香味道。两个人食咗$420 。