炙・宴 (The LOHAS康城) (已結業)

康城越开越多新餐厅，终于感觉到多番啲人气，今日特登入去试试呢间日本餐厅炙・宴，听讲佢嘅豚肉、和牛都几出名，一于入去试下。入到康城，商场入面有林林总总的食肆，当中日本野都唔少，其中一间炙。宴在不同地方都有分店，大家可以试下呢间，主打宫崎和牛。餐牌上都有好多选择，亦都有午市优惠套餐，仲可以额外加钱追加小食，都几抵食。ABURI-EN 豚肉•鳗鱼双拼饭以北海道十胜地区的豚肉丼加以改良，采用猪肉肉眼部份，取其肉质柔软、油份恰当。每一块都好大块就好似手掌一样咁大，配上佢嘅秘制烧汁真系正。烤鳗鱼很正常，肥瘦适中，烤得很好，但鳗鱼的酱汁有点普通。月见猪腩肉丼薄切嘅腩肉足料又大块，十分Juice, 用秘制酱汁腌制之后攞去烧，烧得很香，或者将秘制酱汁捞饭都好好食，味道好浓厚，生蛋黄大大只，沟落啲饭一齐食都好好味。佢哋用日本珍珠米，粒粒饱满分明，口感软腍，份量其实都几多，整体都算几好食。冲绳猪肉煎饺5件，份量唔大 但咬落去依然爆汁，真系新鲜煎好上碟。