牛摩+ (新都城中心二期) (已結業)

呢间餐厅门口有大玻璃幕墙令人一睇就知系高档餐厅。里面亦都好大，有好多二至四人枱同埋座舱，坐得好舒服。我哋拣咗寿喜烧同蕃茄汤嘅鸳鸯锅，都唔错。肉方面，六款牛肉之中，最正系牛小排，肥瘦啱啱好，食落好软，牛味都几香。第二正系牛板腱，有啲筋，多啲口感。海鲜方面都好出色，海虾好新鲜又大只，叫几多就有几多🤣自助区嘅菜都好新鲜，补充得好快，特别系有羽衣甘蓝，出面卖好贵架！自助区仲有唔同嘅火锅料，蔬菜、肉丸、面条样样齐备。仲有咩？竟然仲有寿司🍣佢哋嘅炸物都好正，叫完就即刻炸，七味炸鸡翼一定要试下，外脆内嫩，好好味！我哋仲叫左温泉蛋牛肉饭，个牛肉似台式鲁肉，别有一番风味！总括黎讲，呢间餐厅真系好正啊，食物嘅选择好多，一定要嚟试下啵！