意粉屋 (已結業)

第一次食意粉屋既芝士火锅，侍应话两个人净食会唔够饱，就叫多左个意粉，点知最后都食唔晒！讲返芝士火锅，我地拣左传统芝士汤底，其实仲有蕃茄同黑松露，但都系觉得最传统的比较好。配料可选海鲜或牛肉，因为肚子唔争气，所以都系食牛肉比较稳阵。火锅包括一大碟配料，一篮面包同一碗墨鱼面。配料除左主角牛肉，仲有鸡肉，冬菇，本菇，蘑菇，意式肉肠等，二人份量刚好。初时都怕啲芝士汤煮唔熟啲食物，好彩送来的肉类都已经是半熟，所以只需稍微加热就食得！芝士汤煮滚后质感浓稠，香喷喷的，用面包同配料沾上简直系人间极品，亦唔会觉得好漏！呢度坐既环境唔错，好适合倾心事，侍应态度良好，食物质素亦几好，系要去商场厕所就麻麻地喇！最后都要多谢好朋友请我食生日饭！