橫浜街場 (已結業)

今晚同细妹行开旺角买嘢，发觉好耐冇打边炉，所以决定今晚食完先返屋企，我地揾左间楼上火炉店，入到去发觉同出面既连锁店唔多一样，佢地环境好舒服，座位又寛敞，而且装修设计简洁！我地坐底左就叫左个花胶螺头药膳鸡锅汤底，首先佢地既锅并唔系出面用开既铁锅，而系用木桶，木桶本身设计会自动隔油，我地食左两个钟都唔驶自己郁手，但个汤底都仲好清，呢个设计真系好方便，而且木桶两旁有几个小孔，如果大家想饮汤就可以直接舀嚟饮，而且汤底有好浓郁药材味，内有原只鸡，配上不同药材，红枣同花胶，鸡肉食落非常嫰滑！因为我地系叫set，食完个汤底既料之后，仲有其他配料可以打边炉，其中西班牙黑豚肉就最值得推荐，肉质好鲜嫰，而且每片黑豚肉都肥瘦平衡，好有口感！另外佢地既自家制手工菜饺都系必食之选，尤其系韭菜饺，皮薄馅靓，煮完之后，包住d鸡汤，食落非常鲜甜，最后仲有自家制甜品送，我地拣左朱古力布甸，所以大家行开旺角记得要试试！