富臨皇宮

营业中

休息中

今日出沙田同阿叔一家饮茶喺京瑞二期富临皇宫午茶正价入。佢个场就够大坐得舒服。除咗点心，我哋嗌咗炸子鸡全只上，炸乳鸽同埋沙姜猪手，呢几款都正常味冇咩特别亦冇咩失望。每次饮茶我哋都会嗌劲多点心，但系今次就极其失望。先嚟虾饺我哋齐齐一人一粒人食咗唔够两秒即刻lur咗出嚟因为佢个馅酸咗变咗。通常凤爪腌得好就会好食但系佢唔够入味所以唔惹味。个棉花鸡入边𠮶啲垫底嘅芋头酸嘅宿味所以我哋食咗两嚿都系冇食。牛肉球正常可以入肚。今日大部分嘅点心都话唔好食每样都系食咗一两嚿就放弃冇食。之后就轮到煎炸食物有咸水角，芋头角，萝卜角，煎堆同埋同埋蒜蓉虎椒。呢啲通常都系稳阵派，只系觉得佢啲嘢咋得唔系好够火喉,所以上到碟就超多油喺底。其实只要炸咋多一两分系钟会挺身同香脆，因为成口都系油好冧。如果真系想揾个位坐下饮下茶对食物冇乜要求嘅佢个环境都ok只系佢啲点心嘅水准真系有待改善。