影片
更多
2021-09-23
100 浏览
约咗朋友喺旺角食饭，想揾个静静嘅餐厅坐低倾吓计。朋友带咗我去一间「楼上」cafe，是关餐厅喺宽成楼1楼，位置都几隐蔽，唔系朋友带路都唔识黎。🙈餐厅环境简洁朴素，有卡位坐得舒适。同朋友共嗌左两个晚餐。晚餐好丰富！有汤、沙律、小食、主菜、配菜同饮品。餐汤配蒜蓉包，同朋友各自嗌左蘑菇浓汤同埋南瓜浓汤。汤上画左哈哈笑好得意。南瓜汤落咗胡椒粉又甜又辣。朋友嗌左日式麻酱蟹柳沙律🥗，我就嗌左柚蜜寒天海藻沙律🥗。柚蜜寒天海藻沙律落左柚子蜜甜甜酸酸，加上蓝莓同埋番茄仔感觉清新。寒天好多时都系配甜品，今次配沙律，配搭新鲜。👍🏻小食嗌左醉鸡翼同烟三文鱼他他多士。醉鸡翼酒味香浓，真系好重酒味， 够晒入味！烟三文鱼他他多士有切碎左嘅烟三文鱼、洋葱粒同埋脆卜卜嘅蟹子，食落几有口感。主菜嗌左羊架配肉酱意粉同猪胺配墨鱼汁冷面。羊架同猪胺都加左香草🌿，入口好香。两者嘅肉都好嫩易咬唔韧，生熟度刚好👍🏻。猪鞍肉质软腍好香香草味，配少少肥膏，邪恶得黎好好味😋。肉酱意粉肉酱都几多👍🏻。墨鱼汁冷面面质软硬适中，上面重有脆芋丝条同蟹籽。野饮方面我嗌左冻嘅橙味水果茶，朋友就嗌左可乐。水果茶以香橙味为主，有淡淡嘅茶味，唔会过甜，好re
餐厅环境简洁朴素，有卡位坐得舒适。
同朋友共嗌左两个晚餐。
晚餐好丰富！有汤、沙律、小食、主菜、配菜同饮品。
餐汤配蒜蓉包，同朋友各自嗌左蘑菇浓汤同埋南瓜浓汤。汤上画左哈哈笑好得意。南瓜汤落咗胡椒粉又甜又辣。
朋友嗌左日式麻酱蟹柳沙律🥗，我就嗌左柚蜜寒天海藻沙律🥗。柚蜜寒天海藻沙律落左柚子蜜甜甜酸酸，加上蓝莓同埋番茄仔感觉清新。寒天好多时都系配甜品，今次配沙律，配搭新鲜。👍🏻
小食嗌左醉鸡翼同烟三文鱼他他多士。
醉鸡翼酒味香浓，真系好重酒味， 够晒入味！
烟三文鱼他他多士有切碎左嘅烟三文鱼、洋葱粒同埋脆卜卜嘅蟹子，食落几有口感。
主菜嗌左羊架配肉酱意粉同猪胺配墨鱼汁冷面。羊架同猪胺都加左香草🌿，入口好香。两者嘅肉都好嫩易咬唔韧，生熟度刚好👍🏻。猪鞍肉质软腍好香香草味，配少少肥膏，邪恶得黎好好味😋。
肉酱意粉肉酱都几多👍🏻。
墨鱼汁冷面面质软硬适中，上面重有脆芋丝条同蟹籽。
野饮方面我嗌左冻嘅橙味水果茶，朋友就嗌左可乐。
水果茶以香橙味为主，有淡淡嘅茶味，唔会过甜，好refreshing，饮完好醒神。
张贴
