鴻福堂 (已結業)

约咗细妹八点半先食晚饭，但系又有少少肚饿，于是喺鸿福堂食个下午茶 。 鱼肉烧卖上枱时热辣辣，都算烟烟靭靭 ，配上辣油豉油，不过不失。但系𠮶个鳗鱼饭团就真系好难食 ，完全食唔出系鳗鱼。里面啲鱼有梅梅地嘅感觉， 唔知自己究竟食紧啲乜嘢啰 ……味道又有啲奇怪， 连鳗鱼嘅酱汁都食唔到。 我宁愿佢配酸菜肉松大路野仲好，唔好搞呢啲花臣嘢 😅😅燕麦豆浆都系麻麻， 唔知系咪翻热得过热 ，有阵胶胶地既怪味，都系宁愿饮番传统豆浆好过。好处就系呢度坐得比较舒适，等人好地方。