沐浴咖啡 (已結業)

和朋友嚟天水围湿地公园，佢介绍一间叫沐浴咖啡店，门面几有创意，一个大浴缸上放玻璃变成一张四人大枱，其他位置坐得舒，空间感不错，我哋分别叫咗两个午餐，可以加12蚊要有奶嘅咖啡，当然就点latte咖啡啦! 朋友就点咗mocha咖啡！午餐有南瓜汤或者沙律选择，咁我哋当然想试南瓜汤啦！啲汤用只大嘅咖啡杯装住都几特别！但份量唔多。至于朋友点嘅鸡肉沙律，食落啲沙律都几新鲜；我点嘅鳗鱼西班牙饭！就有惊喜㖞！西班牙饭真系炒得好有西班牙风味，唔会好似其他餐厅咁样淋晒，有啲咬口，咁先系西班牙饭嘅特色！鳗鱼就ok啦！味度唔错！两杯咖啡来到嘅时候个拉花都拉得几靓，我哋点咗个朱古力蛋糕嚟送咖啡，蛋糕都算软滑！整体餐厅表现很好！