稻成京川滬 (新都會廣場)

营业中

休息中

呢间上海嘢舖面都算大，入去一个大厅满咗六成人，冇哂卡位，侍者再带往入面靠右另一边大厅，呢张卡位仲舒服，有落地玻璃窗望商场舖景。又系限时90分钟食呢吓冇咁畅快。还好上菜算迅速先冇咁赶头赶命。好友特想食片皮鸭，所以叫咗半只。鸭肥瘦刚好，边倾边慢食都冇出哂油，不过啲包鸭肉白皮略嫌厚身同有啲啲硬唔得软熟。水晶肴肉透明位比较多，唔算咸，口感似嚼橡皮。上海粗炒炒得几够镬气惹味，椰菜冬菇又够多，三扒两拨就清哂。小笼包亦交到差，灌到热汤，肉成球状。