熱點點心專門店

营业中

休息中

今日午餐去左 热点 点心专门店食点心。地点就喺太子站一出行一分钟左右。座位好阔落，点心选择都几多，仲有豆浆。我同朋友两个人一齐食，虾饺烧卖有得拣两件一笼。我地叫左虾饺，烧卖，瑶柱菜苗饺，小梨子咸水角，鲜虾韭黄肠，蜂巢芋头角，雪山叉烧包。仲叫左一杯红枣桂圆豆浆同一杯燕麦薏仁豆浆。虾饺皮都几烟韧，而且虾嘅馅嚟算好咸。烧卖几有惊喜，有咬口，味道刚刚好，好食。瑶柱菜苗饺，卖相好靓，瑶柱铺满喺面，菜苗够软熟，好睇亦好食。小梨子咸水角，顾明思义，咸水角系梨形，外皮外脆，咬落烟韧，馅唔会得肥猪肉，而且沙葛仲几有咬口。鲜虾韭黄肠，皮几滑，但比一般嘅肠粉较厚，韭黄好香，而鼓油另上，唔点豉油都几够味。蜂巢芋头角，同样卖相好吸引，咬落去仲系热辣辣，芋头好香，份量都几多，满满都系芋香，外脆内软。雪山叉烧包，包外面甜甜地好软熟而叉烧味都好出，咬落叉烧碎加埋叉烧酱好好食。豆浆热饮较香浓，燕麦薏仁较清新，红枣桂圆豆浆就多左份清甜味。