嚐囍煲仔小菜

营业中

休息中

我好钟意食点心，好多人都叫我要试呢一间，之前黎过一次，因为疫情只做外卖，今日终于可以坐低食。一个人竟然叫了五个点心，当中最有惊喜的系个韭菜角，个样好大旧，谂住会好滞，点知佢入面的韭菜同肉的Mix非常Balance，所以一D都唔滞，食到韭菜又食到肉，好正。第二最爱系个潮州粉果，开头见佢上枱目测佢块皮好厚，都打定输数，点知食落就有另一番风味，好味，入面D沙葛好清爽，入面D材料混和得好好。跟住想讲佢个虾米肠粉，好滑好弹牙，份量算系多咗少少(可能因为我一个人食的关系)。接住到个虾饺，我想在此声明，佢个虾饺都系好出色的，不过前面的三个更出色，所以虾饺先至排第四。佢个虾饺皮好薄，粒虾亦新鲜弹牙，好味。最后就系鸭脚扎，芋头同旧猪肉都好味，鸭脚无雪味，好难得。其实附近都有一D出色的点心店，不过呢一间坐得舒服D，虽然呢间的价钱大约贵30%左右，不过都系值得的。