PizzaExpress (形點) (已結業)

中午喺Yoho附近做完野，突然好想去pizza express食。平时都系食开夜晚第一次去PizzaExpress食lunch。中午餐有意粉同Pizza拣，包starter同埋饮品。布斯加达面包第一次食，好好食㖞。火箭菜同蕃茄好清新，再配上好香嘅罗勒酱，同生紫洋葱嘅辛辣味，好夹。另外，罗勒酱嘅橄榄油湿润左个面包！玛莎拉鸡肉长通粉意粉嘅质地好正，对我黎讲岩岩好。啲酱汁唔会过多又唔会过少，每一条通粉充满着啲酱。另外，要赞嘅系啲蘑菇，每一粒都好入味！但鸡肉偏少，不过肉质还可以。饮品方面，可以拣罐装饮品或者咖啡。好搞笑，明明叫咗coke Zero，𠮶侍应帮我倒饮品嘅时候口讲都话:「小姐，你嘅coke zero!」但系佢倒紧出嚟嘅系soda water🤪不过我费事麻烦，最后都冇换到！另外要赞嘅系，佢哋清洁做得几好，见到个客人食完，会抹埋张櫈👍🏻