Say Cheese (將軍澳中心) (已結業)

平时小来将军澳呢头，今次一于一试位于将军澳中心嘅呢间 Say Cheese ，睇下系咪真系可以笑住 Say Cheese ！环境：位于商场入面，冇乜景观可言，但胜在坐得舒服，环境宽敞，唔错！食物：中午时间去到，佢都有做午市套餐，平均六七十蚊都可以接受。不过今次我哋就冇叫到，因为想试佢嘅鹅肝意大利饭同埋照牌嘅火焰卡邦尼意粉，整体味道几好，特别推荐佢嘅鹅肝意大利饭，各位师兄师姐可以一尝。鹅肝意大利饭：鹅肝十分香口，油香味浓，入口即溶，而意大利饭味道同口感都唔错，一个字，正！火焰卡邦尼意粉：呢个见系餐厅嘅推荐，就叫左一试。卖相唔错，忌廉同芝士好浓郁，食落都好香浓，不过成也萧何，败也萧何，正正就系佢嘅忌廉汁太过浓，有点儿过咗火位，不过整体嚟讲味道都算唔错，但系老老实实，真系冇想像中咁好食。