Relish Kitchen by ALOT (已結業)

第一次来新商场，呢个商场入边嘅餐厅全部都好大，我哋就拣咗呢间坐得特别宽敞，楼底非常高，环境好舒服，仲有lunch set，价钱合理同小朋友坐低试吓。午餐可以有餐汤/沙律，主菜，加钱可以饮特色饮品，见到今日餐汤系粟米南瓜汤，超级Creamy，味道浓郁，小朋友非常钟意饮晒一整碗。海鲜扁意粉，意粉软硬度啱啱好，有好多海鲜包括有带子，大虾，全部都弹牙爽口，同埋有好多姑姑，唔同口感非常好味。龙虾辣意粉，有半只龙虾，已经起咗肉，用芝士焗起，意粉系蕃茄酱煮，配埋龙虾，配合得好好，辣辣地食得特别开胃。餐饮加$30+ 我哋叫咗杯冻朱古力，同埋绿茶鲜奶，以冻饮嚟讲好似细杯咗少少，不过味道就非常浓郁，好好味。小朋友食到津津有味，呢度仲有好多唔同嘅甜品，叫咗一个绿茶蛋糕好似雪糕条嘅造型，唔止可以打卡，味道亦都好好，绿茶mousses ，配埋入边有吉士同红豆酱，一个咁舒服嘅环境食咗个丰富嘅午餐，真系感觉非常满足。