樂天大喜屋 (已結業)

今日同好姊妹去旺角乐天大喜屋食午市放题，二楼全层都系餐厅范围，平日午市都可以坐满九成，睇黎冇拣错地方。剩系饮品，都包你黎十次都未试得晒，各式汽水、凉茶、啤酒、清酒、梅酒，你谂唔到既都有。自助沙律吧除左沙律菜、蕃茄仔、菠萝等，仲有冷盘提供，沙律新鲜爽甜，酱汁都有六款任点。冷盘仲有冻虾同青口，配上柠檬同酸甜汁，清新爽口好开胃。甜品柜好逾十款选择，仲好贴心全部都迷你size，咁就可以食多几款啦。我都忍唔住试左6、7款。意大利芝士蛋糕，入口顺滑，仲有淡淡既咖啡味。3.6牛乳布甸，奶味香浓，布甸又够弹。食完蛋糕唔够喉，仲有好又多雪糕雪条等紧你架。刺身拼盘，睇到都开心，仲要铺晒冰排到靓一靓，唔讲以为去左日式餐厅。刺身都好新鲜，甜虾同大赤虾刺身又爽又弹，赤贝北寄贝非常鲜甜，油甘鱼油脂丰富，淡淡既鱼鲜味，食多几件都唔腻。寿司都有好多款式。牛油果软脚蟹，牛油果软软甜甜，配埋炸到脆卜卜既软脚蟹，睇到都知好味啦。另外仲有香芒赤虾，芝士蟹脚...全面都好高水准，最惊喜系海胆都非常新鲜甜美，寿司都系偏小size，可以尽情叫多几款。串烧够香口，又唔油。冲绳黑糖牛仔肉非常惊喜，肉质柔嫩，肉味香浓。西京烧海黄花，鱼身