酷廚 (已結業)

同朋友今晚去咗D2 Plaza 一楼嘅一间西餐厅，我同朋友2人被安排咗坐喺近门口嘅一张六人枱。可能系长枱既関系，比平常坐开较阔，坐远左，倾计时大声少少音量。今晚唔算多人，又或者可能无订位，所以被安排同两个陌生人一齐坐。虽然环境算干净但感觉怪怪地。同埋佢张櫈太硬，有d唔舒服。至于食物方面……我哋系叫咗两个套餐; 一个就系 龙虾汁大虾意粉，另一个就系鹅肝意大利饭。 跟住系有餐汤同埋餐饮送。龙虾汁意大利粉; 好好食呀！只虾入哂味，超新鲜。意大利粉配芝士，好香，好弹牙。至于鹅肝意大利饭都系做得非常之好，鹅肝煎香咗、 同过意大利饭系好配合。 唔会 太肥腻，接受。 餐汤系粟米忌廉汤，罐头汤feel, 无惊喜。跟住我哋另外再叫咗份三文鱼凯撒沙律， 沙律菜新鲜算做得唔错，三文鱼算多。