壽司派 (已結業)

通常食回转寿司都钟意坐bar枱, 贪佢可以睇啱边碟拎边碟, 但今次食回转寿司, 竟然order的比响回转带上拎的仲多, 因为佢转嚟转去都系果d寿司, 啱啱食时都叫做可以有几碟心水, 但食完果几碟心水之后, 已经睇唔啱有咩想食, 唯有order~开头仲以为佢好似元x果d咁, 你order乜, 伙计就响条回转带度揾比你, 但呢度系睇住佢叫order即整, 绝对新鲜, 所以下次可以考虑坐周围舒服d果d枱, 唔驶一定坐bar枱lor~佢d寿司都几新鲜, d鱼唔会摆到起哂镜, 而且寿司细细旧, 块鱼生大过佢, 好似好抵食咁~ 但始终d饭细旧, 所以唔系好饱肚, 我地两个人食咗十几碟, 其实都未饱, 但最后叫果碟箱押唔之乜寿司, 旧饭超大旧, 食完佢之后真系可以收档.........咁多寿司当中, 最抵食系鹅肝寿司, 食过咁多间寿司舖, 以价钱嚟讲, 佢旧鹅肝真系物超所值, 仲大旧过旧饭, 真系超大旧lor~~除咗叫寿司之外, 仲有叫咗d炸嘢, 普遍都唔错, 连个炸三文鱼皮都唔腥, 正~虽然坐bar枱, 但bar枱上系冇水掣, 冇得自己斟水, 但侍应姐姐都好常斟水, 唔错~