Ocio (東港城) (已結業)

今晚同朋友聚会时去左坑口站东港城嘅Ocio kitchen多国菜餐厅食晚饭，餐厅的款式上很有特色，有很多国家嘅美食可以比我地选择，我地就拣左两个晚餐，分别系脆皮德国咸猪手配酸椰菜蜜糖芥辣及炭烧10安士肉眼配薯条烤意大利青瓜。两个晚餐都有磨菇汤及两杯$33内的餐饮，餐汤以磨菇蓉煮成，味道香浓。首先介绍下德国咸猪手先，外观已经好巨大嘅咸猪手，未放上枱已经闻到香味，猪皮非常脆口，用刀切落去，好似切紧烧肉猪皮咁，肉质爽口，味道唔会太咸，份量好多，两个女仔可以share食，配菜当然唔少得开胃解油嘅酸椰菜啦，椰菜切成丝，好易入口，另外仲配有沙律菜及粗薯条，唔洗担心净系食肉咁Heavy。炭烧10安士肉眼配薯条烤意大利青瓜，我地order左7成熟，生熟度刚刚恰当好处，肉眼扒以炭烧烹调，肉汁味浓厚，肉质软嫩，Size好大块，配菜有意大利青瓜，口感爽口，另外亦配有薯条，包你一定食得饱。喂食嘅我仲再Order左波子汽水刨冰配云呢嗱雪榚做甜品，外观非常吸引，雪白嘅炼奶包著粉蓝色的刨冰，充满咗少女嘅味道，Size仲好巨人，可以情侣Share食，刨冰上云呢嗱雪榚好香滑，简直系心水推介！