影片
更多
2023-09-25
85 浏览
坑口村有好多小店，身为坑口居民有时谂唔到食咩，都会去𠮶边揾食！而Fika就系近半年几有人气嘅西餐小店～ 听咗咁多次个名，终于去食咗个late lunch，食物都几高质，睇得出系用心煮！🔸牛油果蟹肉脆饼 $88作为前菜，非常清新开胃！牛油果、蟹肉加埋沙律酱捞匀，非常滋味！同埋脆身嘅cracknel一齐食，口感丰富～ 面头仲有少少三文鱼籽，增加鲜味！🔸FIKA自家制双重烟腩肉卡邦尼意粉 $168呢度嘅招牌菜～ 以传统做法，选用意大利猪面肉同自家制烟腩肉，加入羊奶芝士同日本蛋，芝士味香浓，烟腩肉咸香，味道比普通嘅卡邦尼更富咸鲜味同浓郁，又唔会觉得腻，好味！扁意粉挂满蛋汁好香滑，配埋烟猪腩肉一齐食好惹味！🔸炭烧纽西兰肉眼(8oz)配粗薯条、炒杂菜 $158Set lunch包餐汤或沙律，仲有饮品。▫️日本秋葵、青苹果沙律配柠檬油醋酱 & 野菌忌廉汤好清新嘅沙律，秋葵、青苹果爽口清甜，沙律菜新鲜！野菌忌廉汤几浓郁！纽西兰肉眼扒要咗5成熟，掌握得几好！肉质腍中带咬口，肉味浓！烧肉汁系自家制，配肉食几好味！粗薯份量多，薯味浓！呢间西餐食物都几好味～ 店舖唔算大，有种温馨嘅感觉，好似佢哋店名咁，喺度慢活
坑口村有好多小店，身为坑口居民有时谂唔到食咩，都会去𠮶边揾食！而Fika就系近半年几有人气嘅西餐小店～ 听咗咁多次个名，终于去食咗个late lunch，食物都几高质，睇得出系用心煮！
牛油果蟹肉脆饼
$88
4 浏览
0 赞好
0 留言
作为前菜，非常清新开胃！牛油果、蟹肉加埋沙律酱捞匀，非常滋味！同埋脆身嘅cracknel一齐食，口感丰富～ 面头仲有少少三文鱼籽，增加鲜味！
FIKA自家制双重烟腩肉卡邦尼意粉
$168
6 浏览
0 赞好
0 留言
🔸FIKA自家制双重烟腩肉卡邦尼意粉 $168呢度嘅招牌菜～ 以传统做法，选用意大利猪面肉同自家制烟腩肉，加入羊奶芝士同日本蛋，芝士味香浓，烟腩肉咸香，味道比普通嘅卡邦尼更富咸鲜味同浓郁，又唔会觉得腻，好味！扁意粉挂满蛋汁好香滑，配埋烟猪腩肉一齐食好惹味！
炭烧纽西兰肉眼
$158
3 浏览
0 赞好
0 留言
Set lunch包餐汤或沙律，仲有饮品。
▫️日本秋葵、青苹果沙律配柠檬油醋酱 & 野菌忌廉汤好清新嘅沙律，秋葵、青苹果爽口清甜，沙律菜新鲜！野菌忌廉汤几浓郁！
纽西兰肉眼扒要咗5成熟，掌握得几好！肉质腍中带咬口，肉味浓！烧肉汁系自家制，配肉食几好味！粗薯份量多，薯味浓！
呢间西餐食物都几好味～ 店舖唔算大，有种温馨嘅感觉，好似佢哋店名咁，喺度慢活享受美食，好写意！
张贴
