鮪世市場 (已結業)

住左將軍澳幾十年，都比較少去坑口嗰邊，反而係因為呢間壽司店吸引左我去！店舖座位唔多，都可能要等一段時間先入到去，但絕對係值得！單點既壽司種類都有幾多，但當然我就會試返啲比較少食既魚類！試左天然真鯛、日本象拔蚌、特大赤海蝦、左口魚邊、油甘魚腩等，質素都幾高質而且價錢非常合理，同出面既中高價壽司店有得比！另外叫多左個海鹽輕燒中本鮪魚腩丼，佢既中腩的確幾好味，油份好夠但又唔會太多，輕輕一燒逼左啲油份出黎，食落更甘香，大推！總括黎講，呢間小小既壽司店都有啲驚喜，將軍澳終於有啲似樣既壽司店☺️