Baan Phadthai (已結業)

将军澳东港城开左间泰国🇹🇭过江龙的连续5年米芝莲推介餐厅，梗系带家姐同姨甥们try try🤤。听店员讲，无骨海南鸡饭、烧猪颈肉、金边粉都系主打。讲到咁梗系试晒去啦！😜 ⦁无骨海南鸡饭 $88海南鸡肉质嫩滑，鸡味香浓。酱料中的姜蓉，磨得超级细滑，食落口唔会起渣。油饭唔会太过油腻，配埋鸡肉同埋酱汁一齐食就刚刚好。 ⦁生拆蟹肉炒金边粉 $138泰国直运的金边粉配上雪白的蟹肉，金黄的鸡蛋，一上枱就十分之吸睛。金边粉口感烟韧够干身唔会一pat pat，而且花生碎辣椒干全部分可以自由配搭，配合个人口味。 ⦁烧猪颈肉 $68猪颈肉肉质嫩口，烧完都唔会太干身，配埋酸酸甜甜既汁，超惹味！ ⦁青木瓜咸蛋沙律 $88花生香脆，比坊间无咁大阵鱼露味，但相比之下更加清新。 ⦁椰奶雪糕班兰叶糯米饭 $58雪糕椰奶味香浓唔会太甜。配埋花生绿豆糯米椰浆，多重口感，值得一试。