民華餐廳 (已結業)

好多年冇去过坚尼地城，港铁开咗就同老公去行下，见到有间餐厅新装修，咁啱又肚饿入去试下先，装修环境唔错，再睇下餐牌就点左两个餐，分别系火腿炒蛋厚多士，姜丝牛肉米粉配冻奶茶，炒蛋炒得好滑好香，厚多士烘得外脆内软，牛油搽得好均匀，正！不过太大件食唔晒，米粉都唔错，另一个餐点左糯米鸡加金钱肚，配冻柠水，糯米鸡入边好多料，有鸡翼，叉烧，好好味，金钱肚好入味，有小时候到酒楼食过的味道，呢啲点心系茶餐厅出现好小有。叫咗咁多野，加埋都系$100左右，值得推介，总结而言食物有水准，侍应服务良好，净，不过冷气有点冻，坐得耐不太舒服。