影片
更多
2024-01-29
110 浏览
知道希慎楼下开左新foodcourt，趁经过铜锣湾过嚟食个饭，见到八时神仙草开左分店，就同朋友讲好左食完饭嚟食返个甜品。我地食甜品嘅时候已经大概9点几，由于foodcourt唔算好多位，好好彩都成功揾到位置，不过估唔到平日夜晚甜品铺嘅人流都非常多，超多人买。因为之前见到啲人打卡食手捧冰好似几吸引，趁天气唔太冻，我都叫左个手捧冰。冰嘅选择都颇多，由$58-86不等，而我今次叫左个最普通嘅冰。但估唔到嘅系个冰嘅制作时间要等咁耐，一个冰等左差唔多20分钟先有。可能实在太多客人等，朋友叫嘅冰仲耐，接近半个钟先有，唔知系咪漏左单。今次食嘅系芋薯圆嫩仙草雪花手捧冰($58)，坦白讲攞到手𠮶刻觉得有少少失望，因为卖相唔算好吸引。不过始终我拣嘅系最平𠮶款，所以都无得好讲。虽然觉得个冰好颓，但如果为左雪糕要贵成十几廿蚊又好似唔系好值得。依个手捧冰上半部分系雪花冰，下面底层系仙草，侧边有芋圆、地瓜圆同埋紫薯圆。雪花冰食落软绵绵，而且神奇地会有拉丝，食落系入口即溶嘅感觉，冰嘅口感系唔错。但芋圆就差咁啲，分量大概有8粒，觉得食落系偏淋身口感，唔算好烟韧。整体而言，以依个价钱同等候时间觉得麻麻，未必值得花咁长时
我地食甜品嘅时候已经大概9点几，由于foodcourt唔算好多位，好好彩都成功揾到位置，不过估唔到平日夜晚甜品铺嘅人流都非常多，超多人买。
因为之前见到啲人打卡食手捧冰好似几吸引，趁天气唔太冻，我都叫左个手捧冰。冰嘅选择都颇多，由$58-86不等，而我今次叫左个最普通嘅冰。但估唔到嘅系个冰嘅制作时间要等咁耐，一个冰等左差唔多20分钟先有。可能实在太多客人等，朋友叫嘅冰仲耐，接近半个钟先有，唔知系咪漏左单。
今次食嘅系芋薯圆嫩仙草雪花手捧冰($58)，坦白讲攞到手𠮶刻觉得有少少失望，因为卖相唔算好吸引。不过始终我拣嘅系最平𠮶款，所以都无得好讲。虽然觉得个冰好颓，但如果为左雪糕要贵成十几廿蚊又好似唔系好值得。
依个手捧冰上半部分系雪花冰，下面底层系仙草，侧边有芋圆、地瓜圆同埋紫薯圆。雪花冰食落软绵绵，而且神奇地会有拉丝，食落系入口即溶嘅感觉，冰嘅口感系唔错。但芋圆就差咁啲，分量大概有8粒，觉得食落系偏淋身口感，唔算好烟韧。整体而言，以依个价钱同等候时间觉得麻麻，未必值得花咁长时间去等。亦可能系我一开始期望太高，觉得有啲落差。我个人嚟讲食过一次就可以，因为以芋圆甜品嚟讲，觉得铜锣湾有其他更好选择。
张贴
