金源冰室

营业中

休息中

<坪洲系列>放假谂住嚟个坪洲半日游，因为平日嘅关系，好多餐厅舖头都冇开☹️ 上网睇过呢间金源冰室嘅炒通粉好出名，汤通粉就食得多，炒通粉就未试过，难得嚟到梗系去试吓有咩特别店舖外表同一般老式冰室差唔多，比较简朴残旧，感觉卫生麻麻，不过内里都算坐得舒服，墙上挂满手画嘅食物图画，几有怀旧地道嘅感觉呢度大部分嘢食都系散嗌，冇乜特别嘅优惠套餐，亦唔包嘢饮要额外买，单价约$18起。整体嚟讲都系一般茶餐厅质素，价钱都合理嘅，但觉得冇网上讲到咁特别咁好食，嚟到坪洲一定要试嘅程度🤭_➤公司炒通🍜$44热辣辣岩岩炒好，色水几靓仔好深色，都够镬气又香，唔太咸几入味，食落其实就系干炒牛河阵味，只不过用通粉取代河粉，但香港的确唔系好常见，所以都算几特别嘅。另外都算几足料，虽然都系啲普通简单嘅配料炒埋一碟，有牛肉片、肠仔、火腿、午餐肉、芽菜、洋葱、三色豆。不过略嫌油左啲，通粉口感偏淋，同埋麻麻地三色豆🙈➤星洲炒米🍜$44份量适中，都系有三色豆😂，另外仲有猪肉片(不过份量极少，肌肉熊表示失望)、炒蛋、火腿、青椒同洋葱，黄姜粉落得好足，第一啖食落会比较辣，仲有少少苦味，整体唔算太油腻，略厌唔够干身，比较