華記小食店

营业中

休息中

出去玩最怕同人迫，所以选择咗闲日去坪洲郊游，坪洲面积虽然唔系好大，不过都有唔少景点同美食。落船之后沿住左边海边一直行，大概二十分钟就去到第一个景点 🏝️ 大利迷你沙滩，顺路睇埋 🐢 乌龟石，影完相之后就沿路折返码头系市中心周围行吓顺便揾嘢食。周围行期间见到呢间小食店有唔少人排队，所以就排埋一份 😋 小食种类都几多，见到有炸虾饼，钟意食虾嘅我当然要帮衬吓。炸虾饼 ($15) : 卖相好似江之岛嘅仙贝饼，不过系迷你版 🍤 估唔到细细嘅虾饼就已经有三只虾，饼皮脆口之余虾味浓郁，性价比非常高。😋碗仔翅 ($22) : 碗仔翅几足料，味道唔错之余价钱亦相当亲民。