February

营业中

休息中

SET DINNER:法式龙虾汤(+$20)，龙虾味浓郁，煲得够入味，而且仲食到一条条龙虾肉丝。金枪鱼伴芒果柚子沙律，有特色并且少见既菜式，味道主要带甜苦酸，芒果和柚子都呈粒状，加上金枪鱼围边沾满左芝麻粒，食落有口感层次。牛油果芝士蟹饼，外层炸粉酥脆，内里软绵绵兼啖啖肉既蟹肉丝，配埋烟烟韧韧既芝士，非常满足。香煎西班牙黑毛猪鞍扒($388)，份量超巨，厚度比蕃茄仔更厚，相信一个人应该食唔晒，目测系九成熟或以上，但肉质一d都唔“鞋”，而且有肉汁，酱汁系黑椒汁好惹味。卡邦尼意大利粉($178)，酱汁最出色，芝士和奶油味好浓，每条意粉挂满酱汁，中间仲有蛋黄可以搅拌，令意粉更滑溜，烟肉和火腿丝可以增加咬口口感。青柠梳打($38)，味道偏向酸味较重，饮完令食欲更开胃，加上食左咁多肉类可以清一清口里既油腻感。Triple Berry Yogurt($68)，味道清甜，依家夏天饮返杯冰冻饮品，简直透心凉。