Cafe de Tiffany (已結業)

入到去，坐系水吧对出卡位，望到个厨房污糟不堪，已经惊惊地，果然！一堆懒既厨师唔会煮得出啲咩好食既野出黎，叫左个2人餐首先系个汤，冇味既，好似一碗忌廉水咁，之后到个杂扒，火腿.烟肉.肠仔都系炸既，煎都唔煎下，猪牛鸡3块扒都系又干又鞋又系冇味既，连个蒜茸汁都系冇味既，另一个比目鱼大虾，鱼同虾直头系落粉炸既，之后放上块铁板度，到底为咩？虾冇味唔使讲喇，个比目鱼系完全冇味，系连小小盐都唔落，就咁落粉就炸，真系完全唔知食紧咩？个厨师到底有几求其？先可以整到啲野咁垃圾？个厨师味觉系咪有问题？唔会试下啲野够唔够味既？咩都冇味既，求求其其嗱嗱声咁出哂啲餐， 个餐都未出嚟啲厨师已经赶往出梳化坐玩电话，厨师既质素真系差得可怜，环境卫生差，食物差，仲衰过大家乐！冇下次！