抹茶館 (已結業)

本身住呢区，想试呢间嘢好耐，但成日见到好多人等，所以无机会食。最近见佢愈黎愈少人等，所以充满期待咁决定今晚去试。去排，唔洗排好耐就有得食，但食完之后，一定唔会再返转头。叫左个夏日限定鱼生饭跟两只天妇罗虾，仲有滑蛋牛肉乌冬。个乌冬就普通到系吉野家货色，但人地平好多啰。至于鱼生饭，由个乌冬黎，到我太太食完都未到。期间同四、五位唔同嘅侍应追讨，应左，就行左去，唔知佢地有冇追。到最后嬲嬲猪埋单，当时有两个侍应吹紧水，我同佢两个讲，佢地同时应左我，咁我就等张单啦，又系一个等字！最后我走左cashier话埋单，个度位侍应先print张单出黎，咁即系话佢地由头到尾都系得个应字，跟本应左个客就算。我未试过系OpenRice 写review，但今晚嘅经历，我就真系要写。究竟班侍应系发紧梦呀，定当啲客系傻仔呢？佢咁做落去，我肯定佢生意只会愈黎愈差。