八時神仙草 (厚福街)

营业中

休息中

啱先系铁火堂同朋友食完晚饭，谂住食埋甜品倾计聚多阵🤪 见到餐厅对面就有间新开甜品，当然试下得唔得啦。 踏入门口，点餐区男店员就大叫系到嗌咗嘢先入去坐，我地一行4个人见到门口有人order紧，咁想入去坐低放好嘢先再出嚟order。入到去见到门口系4张2人枱，咁我地就睇到张U型枱，足够我地4人坐加放到袋，我地打算坐低就俾一位waitress制止咗，当中就听到点餐区既男店员指挥个waitress拉埋门口2张2人枱泊埋俾我地，咁我地见其实8:00间铺都只是系得2-3枱食紧，就问waitress张U型枱系几多人坐？佢答6人😧（应该会好迫）咁我哋都转去佢指定张枱啦，当朋友喺度拣紧食咩时，期间听到阿男店员大大声同个waitress讲，下次换位恶佢哋得啦……我俾个权力你㗎嘛🫨🙄what? 你新开张 都可以咁样服务态度对客？之后有同朋友提出转地方食，朋友坚持想试，就出咗去点餐，事关我哋4个啱啱食完晚饭，就想叫两个share，阿男店员就话每人最低消费一个㖞，咁我哋真系食唔到四个，最后走咗。食甜品倾计本来应该开开心心🥲 但部份店员既服务态度认真难顶💩冇下次 多谢！