皇庭匯 (已結業)

谂住近近地去楼下呢间酒楼饮茶，佢楼下接待处叫我地自己上去揾位，我地揾到位坐低，个女侍应话呢张枱要12点走，我地11点15坐低，茶都未开而且张枱冇贴学生留座，问佢点解要12点走，佢话叫我地揾过张枱，我已经好火，叫佢一系揾过张枱俾我，一系我坐呢度，个经理一句系要自己揾过张枱架喇就走左去，冇人行过黎同我地开茶，焗我地离开张枱。好彩，扰让左10分钟揾到个部长开茶，我地11:30交点心纸俾侍应就好似叫天不应，叫地不闻咁，个女部长见到我招手，仲掉头走！难道我要自己入厨房拎？仲要我地交完点心纸，佢地12点先黎齐啲点心，咁我地点12点交枱呀？咁既服务态度真系冇下次，观塘大把酒楼，迟早俾人淘汰唔好问点解，真系饮茶饮到嬲嬲猪😡