Hungry Lobster (已結業)

行完铜锣湾、其实知道有间食龙虾好耐，但未试过，入去侍应先问你有冇book位，场内有两张得枱，我哋坐咗系厕所门口。叫咗一个黑松露忌廉磨菇意粉、另一个牛扒龙虾组合。意粉味道合格，但份量太少，一个人吃一定不饱。价钱都要＄138。龙虾牛扒组合，龙虾去咗壳之后个尺寸比一只虾仲要细，而且比较咸，我觉得唔值呢个价钱，牛扒要medium rare，系ok taste。重点系服务，食到一半个侍应跌咗碟芥辣落地，果盘芥辣向前飞、我头发及衣服都沾满芥辣，坐我邻座的男生更惨，白色恤衫及冷外衣一身都系，意外嘅嘢，有时真系冇办法，但个侍应见到完全无动于衷，一句道歉及递纸巾都冇做到，当冇事发生，果下真系火都黎，同个侍应讲，你哋倒泻野，都比张纸巾个客抹下，可以完全冇反应。个侍应随即叫倒泻野𠮶个行埋黎，于是又同一番说话同佢讲一次，佢话我都一身芥辣，我同佢讲你倒泻野见过客一身都系乜都唔理有冇搞错。事件发展到呢度，都唔想再同佢讲啲乜，话埋单比𠮶啲九折, sorry, 无啰。论价钱、座位舒适度、食物质素、垃圾侍应服务、不值得去。未倒泻芥辣之前，已经有另一个侍应打烂玻璃杯，另外倒泻芥辣一地都系，亦都完全无人清理，任由啲客踩。