明星海鮮酒家 (已結業)

琴晚做冬同屋企人食饭，一早落左订同订定时间，老人家去到同知客讲订左位，个知客第一句就同老人家讲:「你姓乜名乜吖？拎飞等位喇！」态度极之恶劣。第一，我订位比埋订金都仲要等位系咩玩法？入面未满架㖞！第二，其实等唔系问题，但系果一句“你姓乜名乜吖？”就真系谷气！仲要系节日咁对老人家讲嘢？！全程乜服务都冇，我地book 左一围，汤黎到一直放系一边冇碗冇侍应理，唔好以为系因为忙，系一个二个扮睇唔到。食到一半突然又话黎收张订单！我得一张订单你到时唔认数咁点？成间野真系不值一提！埋单八位三千蚊，咁嘅价钱同服务真系把鬼！