加藤屋 (元州街) (已結業)

我同女朋友夜晚9:30左右去咗食嘢，咁我女朋友有少少唔舒服冇乜胃口，我哋就叫咗一个锅物定加一个小食，总共就$51。个服务员落咗单之后先同我哋讲原来要最低消费每人$30，成间舖头完全系冇任何告示话有最低消费，咁我哋就谂住个锅物加多份肉就够$60。点知佢又话落咗单唔可以改，我哋就想取消个小食之后叫多个饭，佢又话唔取消得，之后我哋就直接加多咗个铁板饭。咁因为我哋唔想食到咁晏就喺个锅物嚟到𠮶阵食住等个铁板。大概9:55分嘅时候一路个铁板都未到，同一时间重有几个人个铁板都系未到，重要keep住有单都送错。之后佢先问重有冇人嘅铁板未到，结果10:00左右个铁板先到，然后10:05分左右就开始催话10:15分闩门。10:10分左右嘅时候我哋个铁板未食完，我面前就放咗我一路用紧嘅空碗，个服务员一过到嚟就收咗我只碗，我同佢讲我哋重有嘢未食完，佢净系同我讲10:15闩门，之后重要一路行一路讲「咁我哋10:15闩门呀嘛」。我即刻嬲到当面由一开始嘅嘢开始闹佢，之后系女朋友唔系好舒服话不如走先唔闹。真心以后唔会再去呢间加藤屋食嘢