同信士多

营业中

休息中

天热热口痒打算去大美督bbq happy下，因为之前2次都系食大美督第二间嘅bbq，今次同friend子打算试下食同信烧烤，见到ig同其他社交网站都有宣传都几吸引就打算试下，去到个场都几大，大部分有帐篷啱晒落雨都想b一b嘅朋友，但系可能我矮，坐低张凳𠮶张台已经去到我心口位，并唔系一个舒适嘅进餐姿势，逼住时不时企住食。入到去有人帮我地烧炭开炉几好，但系由于个火一直好细d嘢烧极都唔熟（连最容易熟嘅肠仔都唔爆），所以我哋揾店员姨姨帮手希望佢帮我哋嘅火烧旺d，虽然佢最后都有帮我哋整下，但系话我哋呢个火已经系最好，烧烤要有耐心，其实我哋打算烧3个钟真系唔惊唔熟，但系真系火烧得太慢（其他台迟过我哋嚟都已经开食）食物方面因为见到其他post话系独立包装干净卫生，其实好多肉串并没有独立包装到，排和丸类就有，肉串每一串量都好少，肉嘅质量都麻麻地。羊肉串唔知系咪肉嘅问题，烧之前同烧之后嘅色一模一样，真肉定假肉？选择ok但系食物质量非常一般冇食落去嘅欲望，烧咗一个钟多d走人overall嚟讲环境张台隔离有风扇唔算太热，但系食食下都系痴腻腻，亦冇提供免费纸巾，唔值呢个价中伏，以后唔会再嚟