影片
更多
2023-12-16
304 浏览
垃圾级用餐体验，想受气就黎帮衬！由入座、落单后，足足系等左一个钟都未有菜上！！！！星期五晚，book左4人食饭庆生。第一次落单暂时叫左五花腩、见有几款，问有乜分别，佢唔答，问边款厚、边款薄，佢又唔答跟住就推荐左我哋叫左个特级金奖五花腩，话烧出黎香好多，然后另外叫左牛肋条、蔬菜拼盘、凉拌葱丝、泡菜煎饼。熟食未上到其实明白，但烧肉系唔需要煮，唔明点解要等一个钟？？中途催左3次，先至上韩式小菜比我地，但依然未有其他野食，键基于佢哋上菜太慢，我地就第2次加单落左个海鲜豆腐锅。到第4次催佢，先话「快咖喇，黎紧」跟住泡菜煎饼上菜先，但一食落系冻…..连暖都唔系，但因为大家都好饿就继续食之后d烧肉先至到，然后佢地店员就帮手烧，其实只系夹左块肉落去，就走左。不过我地冇所谓，觉得自己烧仲好，牛肋条同埋𠮶个咩金奖五花腩真系好普通，完全feel唔到佢话呢个五花腩烧出嚟好香到呢个时候其实已经差唔多两个钟，但个个凉拌葱丝依然未到….咁又唯有再催！之后个汤黎左，见佢出哂烟，心谂一定好够热，然后就叫店员比4只碗我地其实都搞笑，因为本身餐具系冇碗，得碟，如果唔叫可能真系碗都唔俾你用拎碗都催左2次，唔知系因为等得耐定其
垃圾级用餐体验，想受气就黎帮衬！
由入座、落单后，足足系等左一个钟都未有菜上！！！！
星期五晚，book左4人食饭庆生。第一次落单暂时叫左五花腩、
见有几款，问有乜分别，佢唔答，问边款厚、边款薄，佢又唔答
跟住就推荐左我哋叫左个特级金奖五花腩，话烧出黎香好多，然后另外叫左牛肋条、蔬菜拼盘、凉拌葱丝、泡菜煎饼。
熟食未上到其实明白，但烧肉系唔需要煮，唔明点解要等一个钟？？
中途催左3次，先至上韩式小菜比我地，但依然未有其他野食，键基于佢哋上菜太慢，我地就第2次加单落左个海鲜豆腐锅。
到第4次催佢，先话「快咖喇，黎紧」
跟住泡菜煎饼上菜先，但一食落系冻…..连暖都唔系，但因为大家都好饿就继续食
之后d烧肉先至到，然后佢地店员就帮手烧，其实只系夹左块肉落去，就走左。
不过我地冇所谓，觉得自己烧仲好，
牛肋条同埋𠮶个咩金奖五花腩真系好普通，完全feel唔到佢话呢个五花腩烧出嚟好香
到呢个时候其实已经差唔多两个钟，但个个凉拌葱丝依然未到….咁又唯有再催！
之后个汤黎左，见佢出哂烟，心谂一定好够热，然后就叫店员比4只碗我地
其实都搞笑，因为本身餐具系冇碗，得碟，
如果唔叫可能真系碗都唔俾你用
拎碗都催左2次，唔知系因为等得耐定其实个汤本身都唔算热，分完之后，其实饮落系唔热……..
食到呢到，其实都冇抱任何期望，但因为唔够食
再追加左一份普通五花腩同埋蔬菜石锅拌饭
今次又好快上到菜呀，唔知系咪开始走左好多客，普通五花腩比起佢推荐𠮶款烧出黎系仲香啰。
个石锅饭捞完系湿漉漉，冇饭焦，又系怀疑过石锅本身都唔够热。
间野话收22:30，但个疑似老板娘既韩国女人，21:45走埋黎我地张枱讲一堆冇人听的明既韩文，加几句广东话，示意我哋快啲走，
然后隔咗一阵佢又走黎，将本身系炉入面嘅烧到干哂黑哂既菇同洋葱同堆几旧肉，好似炒饭系咁兜左几野，然后佢准备想夹落我个碟，我话唔要，唔知佢呢个系乜嘢操作….留意返！d洋葱同埋菇系浓哂黑哂，然后佢问我点解唔食菜
我真系好无言…..
其实d菇同洋葱系个店员经过，然后帮我哋放落个炉，话好食wo）本身都冇谂住烧嚟食。
之后佢夹晒其他洋葱同埋菇俾我啲朋友
然后就收走晒啲炉….
知佢赶收工，但𠮶阵10点都未到
因为我哋订咗蛋糕，系到庆生
之后就叫佢地上埋蛋糕la，未食完，𠮶个韩国女人又走埋嚟，又讲一大堆韩文，做晒手势咁
叫我地走，话佢地收工la
呢个时候系22:20
听到隔篱枱啲人都系咁俾人催快d走。
总括而言，真系垃圾级体验，此生不再帮衬！！有人请你都唔好食记得！！！
张贴