影片
更多
2019-01-18
155 浏览
自问光顾过多次大家乐，但今次真系令我忿忿不平，唔写差评唔得。事缘我朋友（我帮佢代取，所以下面用第一人称）点咗个烩杂菜汁鸡扒饭，唔需要交单入去，咁睇显示屏等号码啦。过咗一阵，见到显示屏有我个号码，但出到去水吧位系无餐取。咁就问下店员系咪可以取餐，佢答我：「唔系，我系通知你个餐要等得耐d，预六分钟度。」好喇，我返埋位坐多阵，跟手显示屏又见到我号码，我再出去睇系咪取得餐，佢又答：「你唔等得食其他啦！」我就唔紧要，但你个显示屏多次写取餐，咁我出黎都好正常啫，出到黎又话未得，我等呢个餐等咗不下十分钟。我明制作需时，咁店员阿姐都唔好成日禁个号码出黎愚弄我啦！跟手有唔少食客捧埋个餐返转头投诉d野未熟，例如有吉列猪扒、鸡扒等。果位店员阿姐毫不客气咁串d食客：「你都系唔好食呢个，食其他野啦！」大佬，我如果要食其他野，一开始点餐就叫咗其他啦，咁我点解要拣食呢个餐？我明白煮得唔熟唔系你既问题，但你作为公司代言人，入面厨房、水吧有咩错你都要处理。好喇，写返我个饭……跟餐餐具好污秽，把刀仲残留咗上一手既肉酱污迹；杂扒饭无汁，猪扒硬过香口胶，要好用力先锯到，如果你享受锯扒可以一试；鸡扒正常可食用；冻奶茶难饮到唔知
事缘我朋友（我帮佢代取，所以下面用第一人称）点咗个烩杂菜汁鸡扒饭，唔需要交单入去，咁睇显示屏等号码啦。过咗一阵，见到显示屏有我个号码，但出到去水吧位系无餐取。咁就问下店员系咪可以取餐，佢答我：「唔系，我系通知你个餐要等得耐d，预六分钟度。」
好喇，我返埋位坐多阵，跟手显示屏又见到我号码，我再出去睇系咪取得餐，佢又答：「你唔等得食其他啦！」我就唔紧要，但你个显示屏多次写取餐，咁我出黎都好正常啫，出到黎又话未得，我等呢个餐等咗不下十分钟。我明制作需时，咁店员阿姐都唔好成日禁个号码出黎愚弄我啦！
跟手有唔少食客捧埋个餐返转头投诉d野未熟，例如有吉列猪扒、鸡扒等。果位店员阿姐毫不客气咁串d食客：「你都系唔好食呢个，食其他野啦！」大佬，我如果要食其他野，一开始点餐就叫咗其他啦，咁我点解要拣食呢个餐？我明白煮得唔熟唔系你既问题，但你作为公司代言人，入面厨房、水吧有咩错你都要处理。
好喇，写返我个饭……跟餐餐具好污秽，把刀仲残留咗上一手既肉酱污迹；杂扒饭无汁，猪扒硬过香口胶，要好用力先锯到，如果你享受锯扒可以一试；鸡扒正常可食用；冻奶茶难饮到唔知点形容，我会讲除咗冻之外，无其他野符合到冻奶茶既描述。
张贴