影片
更多
2020-06-29
918 浏览
今日6月29日，下午2点左右去食，叫咗杂锦净饺，同小食~白萝卜猪红，罗汉果水。其实以上提及既我都冇食到，只饮咗2啖罗汉果水…因为当水饺嚟到既时候，我觉得个汤唔多对路，于是用匙羹装起闻咗一下，果然有阵坏咗既酸馊味，我担心自己闻错，放胆饮咗一啖想reconfirm，结果即时吐返出来！由于当时冇纸巾，同自然反射动作，我吐咗落地下，隔离有个四眼样衰阿叔啤住我，示意我吐落地唔啱，我已经即时解释佢听因为个汤臭咗，自然反应吐咗落地，仲讲埋唔好意思咁，条阿叔仲系度咬住唔放，其实我吐个位佢根本唔会经过，关你春事咩！阿叔如果你睇到呢篇嘢，我好想同你讲，我好后悔当时冇问候你娘亲。😊系阿叔啤住我既时候，我叫咗个女侍应过来，50岁左右，我同佢讲你个汤臭咗，佢仲问我点臭法？ 有咩问题？ 系咩味？ 我顶你… 臭咗坏咗就系臭咗坏咗既味啰… 点形容啫？ 我叫佢闻下饮下，佢饮咗一啖，坚持话冇问题，仲问我有冇饮过咩花胶准山汤，阿姐我想话你知~ 市面上你噏得出既贵价花胶，我一屋都系呀唔该！我一星期起码煲3次汤，宜家天气炎热，汤放室温好快变坏，我有时冇立即放雪柜都会有呢阵味，我最唔满意系你既态度，我好声好气话你知个汤坏咗，你质
其实以上提及既我都冇食到，只饮咗2啖罗汉果水…
因为当水饺嚟到既时候，我觉得个汤唔多对路，于是用匙羹装起闻咗一下，果然有阵坏咗既酸馊味，我担心自己闻错，放胆饮咗一啖想reconfirm，结果即时吐返出来！由于当时冇纸巾，同自然反射动作，我吐咗落地下，隔离有个四眼样衰阿叔啤住我，示意我吐落地唔啱，我已经即时解释佢听因为个汤臭咗，自然反应吐咗落地，仲讲埋唔好意思咁，条阿叔仲系度咬住唔放，其实我吐个位佢根本唔会经过，关你春事咩！阿叔如果你睇到呢篇嘢，我好想同你讲，我好后悔当时冇问候你娘亲。😊
系阿叔啤住我既时候，我叫咗个女侍应过来，50岁左右，我同佢讲你个汤臭咗，佢仲问我点臭法？ 有咩问题？ 系咩味？ 我顶你… 臭咗坏咗就系臭咗坏咗既味啰… 点形容啫？ 我叫佢闻下饮下，佢饮咗一啖，坚持话冇问题，仲问我有冇饮过咩花胶准山汤，阿姐我想话你知~ 市面上你噏得出既贵价花胶，我一屋都系呀唔该！
我一星期起码煲3次汤，宜家天气炎热，汤放室温好快变坏，我有时冇立即放雪柜都会有呢阵味，我最唔满意系你既态度，我好声好气话你知个汤坏咗，你质疑客人，而你既味蕾唔知系坏死咗，定你扮嘢要face，死口唔认系坏咗，仲要话我咩坏咗你唔好食呀嘛…
阿姐，我一旧都冇食过呀，我饮咗一啖汤咋！况且我如果有食又如何呀？ 我唔食点知你d嘢坏咗呀？ 你系咪傻架？
有冇数清楚我碗水饺9粒齐齐整整系哂到呀？
水饺质数我冇食过不作评论，只可以评论厨师同呢位阿姐，味蕾系坏死咗，一个味蕾同嗅觉坏死既人走去开食店，而𠮶位厚多士阿叔同其他食客唔知点解全部仲食紧碗嘢… 冇事一样，究竟世界上有垃圾焚化炉先？ 定有垃圾食店先呢？
🤔🤔🤔
张贴
