歐陸冰室

营业中

休息中

星期日中午同亚妈食lunch, 我哋叫左午市套餐，有餐汤，包，主食，饮品。饮品方面叫左特浓热谷咕，当时侍应冇特别提点系要额外加钱。虽然唔系多，只系加3蚊，但摆明系揾笨。餐牌冇讲饮特浓谷咕要加钱，只系写左冻饮加3蚊，而且落单时又冇人讲过，到左俾张单你个人刻先知中伏！到左主食上枱，我食左一旧薯角，然后发现只碟有只细昆虫，马上通知侍应。佢即刻拎返碟野入厨房，然后唔洗一分钟再拎返碟野俾我。好明显佢只系换咗只碟，里面既食物完全冇换过！好明显呢间餐厅处理食物卫生方面系好有问题！呢间餐厅之前已经俾人投诉过佢既外卖呃钱啦，而家又故态复萌，影衰晒香港既饮食业。