佳美餐廳

营业中

休息中

同朋友嚟食飯, 需知道喺無book位嘅情況下, 喺中環食lunch難過登天, 朋友提議嚟呢間我已經放棄咗好多年嘅佳美, 本身已經零期望。叫咗牛扒餐, 問佢黑椒汁可否改洋蔥汁, 佢話可以。上桌時係黑椒汁, 叫佢換。換咗返嚟, 我已經見到碟邊仲有黑椒汁嘅痕跡, 朋友話佢哋做唔到抹咗淋上牛扒面的汁嘅, 就即管反一反塊牛扒, 全部係黑椒汁, 當個客係傻嘅盲嘅定係無味覺嘅? 牛扒已經難食, 完全食唔到牛味, 又"鞋"又韌, 服務水平更加唔使講, 仲要soho價。呢啲喺其他區已經執咗N世嘅餐廳, 係喺呢個充斥住垃圾餐廳仍然其門如市嘅中環先會生存到。