肉骨皇 (已結業)

话说今日想食新加坡菜平时去开铜锣湾食苏妈苏妈今日放假得闲就专登入去大坑试下完！全！失望！首先大热天时由天后站行到入去 要成10几分钟，热到high high 。间餐厅部冷气机同坏咗无分别 超级热。好彩坐门口，最凉爽喺有客出入开门𠮶下有风吹入嚟。落单后15分钟，佢竟然问我想食咩，我话一早落咗，佢先发现未入机。餐具喺烂嫁，叫佢换过第二套，都喺烂！仲听到厨房同楼面闹交，好影响心情。叫咗招牌肉骨茶，椰酱饭，咖啡骨，咖央多士配雪糕 ，两杯荔枝梳打。全部都超级普通。肉骨茶啲肉无肉味，咖啡骨啲汁太浓太油又难咬，多士超级油咖央好少，仲难食过大家乐大快活下午茶多士，雪糕只喺维记糕。去完厕所经过厨房 发现煮嘢食啲人喺唔戴口罩！好惊惊！埋单仲劲 收咗张信用卡 仲挂住同其他熟客倾计望住佢搞咗劲耐。最离谱喺竟然攞咗我张咭去同𠮶熟客讲话部机坏咗，𠮶熟客都话张咭唔喺佢，我就真喺忍唔住大声话佢「你有无搞错！连收钱都可以搞成咁」佢话唔好意思挂住同其他客倾计。我话「我都喺客嚟嫁，俾番小小基本尊重好㖞。」如果你喺大坑街坊，当落茶餐厅食嘢就无所谓；但如果你唔喺住附近，你就千祈唔好专登入去食！我会放呢间餐厅入我黑名单！