影片
更多
2021-10-14
1035 浏览
❌北京楼❌📍:沙田新城市广场一期8楼801C号舖⏰:8:00am-11:30pm💰:人均$300-$400 (设加一)⭕️: 现金、信用卡-烤北京填鸭(半只)- 🦆💰168-一人套餐- 每位 💰328 (二位起)🌜无锡灌汤小笼包 🌜冷艳醉鸡素鹅 🌜鹅掌配海参 🌜龙虾蒸蒜蓉粉丝🌜花胶螺头炖汤🌜杏汁燕窝❌首先讲下点解我哋要去呢间食 因为𠮶日系👦🏻正日生日 我哋又唔想出咁远食 加上出边啲贵价餐厅一早已经俾人订满咗位 咁我哋迫于无奈唯有近近地去沙田食片皮鸭(我都有早一日订位)加上𠮶日系星期五晚 仲好似做紧中秋节套餐咁 超级多人🥲-讲下环境同服务方面 间餐厅系真系大间嘅 都容纳到好多人 可惜6:30 已经坐满晒人 如果冇订枱基本上唔使嚟 因为根本就冇位俾你入去 每一枱张枱都几大 我哋两个人都可以坐到四人枱 都几阔落👍🏻 但系员工明显唔够 我数到应该系7个以下 Menu冇人拎过嚟 冇人得闲帮我处理蛋糕嘅问题 连饮咩茶都要我叫员工过黎先肯帮下我 甚至我举咗几次手都无人理我 点餐方面我有问题想问 员工劲冇耐性答我 甚至觉得我好烦😀态度劲晦气 所以基本上我哋乜都唔知就点左餐 我完全明白你哋忙碌嘅心情 但系
📍:沙田新城市广场一期8楼801C号舖
⏰:8:00am-11:30pm
💰:人均$300-$400 (设加一)
⭕️: 现金、信用卡
-烤北京填鸭(半只)- 🦆💰168
-一人套餐- 每位 💰328 (二位起)
🌜无锡灌汤小笼包 🌜冷艳醉鸡素鹅
🌜鹅掌配海参 🌜龙虾蒸蒜蓉粉丝
🌜花胶螺头炖汤🌜杏汁燕窝
❌首先讲下点解我哋要去呢间食 因为𠮶日系👦🏻正日生日 我哋又唔想出咁远食 加上出边啲贵价餐厅一早已经俾人订满咗位 咁我哋迫于无奈唯有近近地去沙田食片皮鸭(我都有早一日订位)加上𠮶日系星期五晚 仲好似做紧中秋节套餐咁 超级多人🥲
-讲下环境同服务方面 间餐厅系真系大间嘅 都容纳到好多人 可惜6:30 已经坐满晒人 如果冇订枱基本上唔使嚟 因为根本就冇位俾你入去 每一枱张枱都几大 我哋两个人都可以坐到四人枱 都几阔落👍🏻 但系员工明显唔够 我数到应该系7个以下 Menu冇人拎过嚟 冇人得闲帮我处理蛋糕嘅问题 连饮咩茶都要我叫员工过黎先肯帮下我 甚至我举咗几次手都无人理我 点餐方面我有问题想问 员工劲冇耐性答我 甚至觉得我好烦😀态度劲晦气 所以基本上我哋乜都唔知就点左餐 我完全明白你哋忙碌嘅心情 但系我比呢个价钱过嚟食 唔系食你普通酒楼嘅质素😕
❌接下来讲吓佢食物嘅质素:
第一样讲佢只鸭先啦 一嚟到 👦🏻觉得好奇怪 点解啲皮唔识出烟既 几分钟就冻哂 人哋隔离枱𠮶啲一睇就知道热辣辣 之后问个员工咩事 原来佢哋唔记得放个热包起啲鸭皮既下面😀但系佢哋完全冇谂住换过啲新嘅俾我哋 直接放返落去就俾返我哋食！片皮鸭就不过不失啦 鸭唔会好苏 脂肪偏多 不过如果钟意食皮多过食肉既人 基本上可以唔使过嚟😂因为佢厚肉！
-然后我哋拣咗个一人套餐 每位328加一 两位起 即系我哋成晚就食咗九百几蚊埋单💸
满心期待应该会食得饱 毕竟三百几蚊可以去食一个平价放题嘅价钱😀
完全极度失望😀小笼包就正正常常啦四粒 个素鹅麻麻哋好食 又系四粒 醉鸡得𠮶几旧冇乜味😂然后个龙虾蒸粉丝 嚟到好似一堆人地食剩嘅厨余咁 摆盘唔靓之外仲要唔好食 为咗塞饱大家个底垫咗好多粉丝 再加上好多蒜蓉葱调味 只龙虾冇乜味 完全唔合格 仲要极度细只🦞个花胶螺头汤都正常 好多料 味道清淡 咁唯一好少少系𠮶个鹅掌配海参 味道浓郁 我几钟意食呢个！
重点要提及佢个杏汁燕窝 都好耐冇食过啲咁难食嘅嘢😂 我同👦🏻食咗一啖就放弃左 完全唔香嘅 好似食紧啲完全冇味嘅甜品😂
总括嚟讲 今餐食咗九百几蚊
📌食物唔合格 服务都唔合格 价钱唔合理 份量少📌
又对唔住👦🏻每年生日都请佢食垃圾🥲
张贴
