影片
更多
2006-12-12
27 浏览
原先我晏昼系去6B Cafe，但见宣传话呢间野甜品唔错，之前黎视察过环境尚算舒适，于是特登留空个肚，抱住不妨一试既心态同朋友落一层楼去5/F Cafe食埋个Dinner。环境：我系去5/F既。格调普通，全铺白色装修，OK干净冇露台，设了度墙去分隔连接开放式厨房既餐台部分。唔想受烟既我地梗系坐分隔左既入面（内部）台。听到有班友玩紧大富翁，都几癫下，为宁静平淡既环境扣左唔少分数。同时由于冇露台冇窗既关系，通风装置系冇，即系空调搭救。所以烟味系会几重。座位方面尚算舒适，右面系一大个廿人式Sofa，驳住四张台到。我地坐双人位，一人一个单人Sofa，算系岩岩好既size，唔会话太大难坐，座位高度亦OK，冇话脚长会"Long"脚情况。左面系超阴暗既内部位置，明显系费事装修之余又想俾顾客得到各适其适既选择。但事实上入面阴暗得黎好焗，我去果晚系成间铺十几人，果个部分都冇人坐。评分：2分（5分为满分）服务：餐具提供：比茶餐厅更差. 两个人黎全程只俾一人餐具。食肉类会冇刀供应，饮汤冇汤匙。更加唔好讲系碟呀、碗呀咁啦。（如果话多人，忙得滞冇时间逐台理我都唔介意，但好明显唔系！)侍应：内部座位系冇侍应长驻既，
环境：
我系去5/F既。
格调普通，全铺白色装修，OK干净
冇露台，设了度墙去分隔连接开放式厨房既餐台部分。
唔想受烟既我地梗系坐分隔左既入面（内部）台。
听到有班友玩紧大富翁，都几癫下，为宁静平淡既环境扣左唔少分数。
同时由于冇露台冇窗既关系，通风装置系冇，即系空调搭救。所以烟味系会几重。
座位方面尚算舒适，右面系一大个廿人式Sofa，驳住四张台到。我地坐双人位，一人一个单人Sofa，算系岩岩好既size，唔会话太大难坐，座位高度亦OK，冇话脚长会"Long"脚情况。
左面系超阴暗既内部位置，明显系费事装修之余又想俾顾客得到各适其适既选择。
但事实上入面阴暗得黎好焗，我去果晚系成间铺十几人，果个部分都冇人坐。
评分：2分（5分为满分）
服务：
餐具提供：
比茶餐厅更差. 两个人黎全程只俾一人餐具。
食肉类会冇刀供应，饮汤冇汤匙。
更加唔好讲系碟呀、碗呀咁啦。
（如果话多人，忙得滞冇时间逐台理我都唔介意，但好明显唔系！)
侍应：
内部座位系冇侍应长驻既，要点菜除左行出去揾人之外就系靠侍应做主动。
(不过点完第一轮之后就冇晒呢个服务，
以我所见，侍应除左送菜之外我冇见过佢地入过黎服务客人）
惠顾当晚，系位肥少少既女侍应帮我地点菜，咁我都无讲隐瞒啦，当晚佢既服务水准系好差。
我地点左一个Dinner Set，
我唔系好记得佢有冇写跟意粉定饭啦，但侍应冇提过我，骤眼睇亦都揾唔到有关方面既资料。
（呢个如果系我睇漏眼，就唔关侍应事，如果唔系就真系要检讨下。)
跟住我点左个星座饮品，我讲完个饮品名佢唔知系咩野黎。好，又俾你揾Menu直落单，我都唔介意。但话到俾我知系你做唔足功课。
跟住嗌甜品：
我先问佢蛋糕大小，佢话件件都系好细件架啦，唔会大得去边。（不耐烦语气）
问佢Chocolate mousse冻定热，佢不胜其烦地说全间蛋糕都系冻的，冇热既。（问下姐,客人唔熟你餐厅运作架）
最后拣左拿破仑，
问佢有咩生果拣(餐牌上果件拿破仑既相呢就有四大生果：奇异果、芒果、桃、士多啤梨）
，佢话唔知，问下先知，好，又当你功课做唔够。
问完同我地讲（节录)：「Fixed死左，冇得拣，大约有士多啤梨果Ｄ啦。」
嗌完之后5分钟唔够，主菜都未到（我嗌完SET DIN先嗌），佢就急急脚成碟车埋黎，讲声系乜都懒，仲要好火咁。
睇左我地两条友5分钟都唔肯定呢个系乜黎既，初初以为系前菜，原来就系果个拿破仑！
生果：有4粒比提子干大少少既芒果干响面，乜都冇，仲差过圣安娜。
好心你，唔知就自己去睇下雪柜啦，做少少野都懒！
边有人主菜都未上上甜品架，你估酒楼，客多到Take Care唔到咩！
真系唔知佢失恋定有绝症，分明唔想捞咁款。
学刘华讲句：「而家今时今日咁既服务态度，听执笠啦！」
评分：1/4分（5分为满分）
跟住讲到Main Point，亦都系我去既理由。
食品质素：
点Set后，餐汤系罗宋汤。（以呢度既服务，当然我系黎到先知系冇得拣+ 咩野黎啦下）
罗宋汤
评语：好淡口，好多芫莤，入口有微苦涩，味道不比茶餐厅餐汤好。
不久，牛仔骨伴西兰花上桌（今次有讲菜名啦)，
不过黎到我先知系伴意粉。
牛仔骨伴西兰花（随烧汁)
评语：老实讲一句 － 好难食。
何出此言？
牛仔骨：
有一旧，10cm长左右，5蚊硬币厚薄，
食得饱人我切！咬落去好韧，冇刀，切唔到牛仔骨中间位，咬一啖就食完！
Cafe仔，我唔期望有咩入口即溶，齿颊留香既效果，
但味道真系好普通。
烧汁：
食落去似稀释版麦记鸡翼汁，，酸甜得黎唔香口，亦唔开胃。
西兰花：
9成9揾火烚定，冇味我唔怪佢，佢懒腌/落盐姐，
一咬落去好似食薯仔咁，唉。
烚两旧细细既西兰花都搞成咁叫人点再帮衬你呢？
意粉：
同西兰花差唔多，好"林"，冇咬口，好淡口但略甜，茶餐厅感觉。
最后呢碟野我食左旧牛仔骨同松散既蔬菜纤维后即刻罢食抗议，对此我对欠发达国家既饥民致歉，我一定会捐钱俾你地去补偿返我今次既罪孽。
甜品：
如上文提及，拿破仑系我地另点既甜品。（set din冇跟/冇得配，需要另点。）
拿破仑：
与相片严重不符. 相片系多层的酥皮面上夹杂著各种生果，铺满面层，黎到只有4粒芒果干响面。
酥饼里梅花间竹的夹著粟子茸，芒果粒，入到口，
粟子茸方面，
完全冇粟子香, 唔新鲜我唔介意,
但入口带少少肉桂(?)及雪味, 口感同卖相都好似现成货(一唧即食果种) , 令人冇乜想食既冲动。
酥皮层方面，
好软身，冇乜咬口同香味，同粟子茸味道差唔多，仲有微酸，我同友人异口同声叹难食，相信无需多讲。
（餐牌讲明：「此餐厅供应的蛋糕是由高级厨师每日新鲜制造，并不可与市面的冷藏蛋糕相比。」, 真系恕我直言，信你就蛇都死。）
评分：1分（5分为满分）
价钱（抵食度）：
是日俾左$122元，一个SET Din 一个甜品，仅此而已。
(好在我朋友冇嗌，如果唔系真系一地眼泪。）
评分：1/4分(5分为满分）
原本我都谂住冇你地讲得咁差，见呢排D评语都唔错。
结果去完，见识到「地狱CAFE」既恐怖，表面光鲜，内里狰狞。
以后请我都唔去，真系食又死唔食又死。
张贴