影片
更多
2022-10-05
522 浏览
做嘢做到头都实晒，午餐决定唔约朋友、唔食外卖，放空一下🙏🏻，我自己一个去咗帮衬位于加连威老道嘅「Youniqueed」。呢度装修型格，🖤主色调为黑白色，餐枱座位唔多，高峰时间好大机会要等位。我一丁友就坐咗喺吧枱，可以睇咖啡师拉花；另外仲见到厨房门口块布写住「内有恶厨」，哈哈。小店主打各式咖啡☕️同饮料，但同时亦提供唔少食物，例如意粉、沙律、全日早餐、贝果同甜品等。以一间Coffee Shop而言，算好多㗎啦。Traditional Spaghetti Carbonara($80)，🍝估唔到呢度嘅卡邦尼意粉口味几正宗，佢坚系用上蛋黄汁🍳，而唔系普通忌廉白汁，再加埋烟肉🥓、芝士碎🧀、洋葱同黑椒等，惹味得嚟又唔腻。意粉质感弹牙富嚼劲，又挂汁。Green Tea Latte($44)，我唔好咖啡，所以嗌咗抹茶拿铁🍵。冻Latte大大杯，店员提醒搅匀先好饮。抹茶味道香醇，同奶嘅比例啱啱好，无多余嘅甜味。总括嚟讲，喺尖沙咀区无乜呢类型精品咖啡店，如果想歇下脚、食啲嘢，不妨可以考虑呢度😉。最后，小店系一间支持香港人嘅店💛。
做嘢做到头都实晒，午餐决定唔约朋友、唔食外卖，放空一下🙏🏻，我自己一个去咗帮衬位于加连威老道嘅「Youniqueed」。
呢度装修型格，🖤主色调为黑白色，餐枱座位唔多，高峰时间好大机会要等位。我一丁友就坐咗喺吧枱，可以睇咖啡师拉花；另外仲见到厨房门口块布写住「内有恶厨」，哈哈。
小店主打各式咖啡☕️同饮料，但同时亦提供唔少食物，例如意粉、沙律、全日早餐、贝果同甜品等。以一间Coffee Shop而言，算好多㗎啦。
Traditional Spaghetti Carbonara($80)，🍝估唔到呢度嘅卡邦尼意粉口味几正宗，佢坚系用上蛋黄汁🍳，而唔系普通忌廉白汁，再加埋烟肉🥓、芝士碎🧀、洋葱同黑椒等，惹味得嚟又唔腻。意粉质感弹牙富嚼劲，又挂汁。
Green Tea Latte($44)，我唔好咖啡，所以嗌咗抹茶拿铁🍵。冻Latte大大杯，店员提醒搅匀先好饮。抹茶味道香醇，同奶嘅比例啱啱好，无多余嘅甜味。
总括嚟讲，喺尖沙咀区无乜呢类型精品咖啡店，如果想歇下脚、食啲嘢，不妨可以考虑呢度😉。最后，小店系一间支持香港人嘅店💛。
张贴
