影片
更多
2011-12-07
535 浏览
天气爽朗，梗系行山好时节啦，一行四人小弟、太太、姨仔、舅仔行城门、上针山。用咗唔系好耐时间，就行完城门、上完针山。到针山之巅，一边沙田景，一边城门全塘景，幽幽凉风，爽呀。出咗身汗，返到荃湾，自然有啲饿，食个下午茶先返归啦。是日公众假，3:00pm嚟到豆腐主义，人多挤逼得紧要，都好彩等咗唔耐揾到4个位。一室黑白型格装修，中英文店名改得有型，有别于一般传统豆腐铺，电脑机印点菜单，数量、种类一目了然，虽然座位系逼咗啲，但以豆腐铺嚟讲，可接受啦，唔通食到「印印脚」，慢慢hea咩！一坐落，目标系下午茶餐，一共有13款食物配豆腐花或豆浆，$14-$22，差距都好大，改咸豆花或咸豆浆加$3，改黑豆浆加$2，2:30-6:30pm有供应。F餐 - 即制脆口粢饭 $15我哋叫咗两个F餐，一个配热豆腐花，另一个配热姜汁豆腐花（+$3）。粢饭扎得几够实净，糯米黏糯，加埋肉松、香脆油炸鬼，都叫几好㖞。豆腐花晌现场由师傅即煮即撞，亦系此店卖点，新鲜热辣豆腐花，果然几香滑，豆味颇浓，都甚有水准。如果天气再冻啲，加姜汁当然仲好，胃身丫嘛。H餐 - 煎酿四宝 $18又叫咗两个H餐，一个配冻豆腐花，另一个配热咸豆浆。四
是日公众假，3:00pm嚟到豆腐主义，人多挤逼得紧要，都好彩等咗唔耐揾到4个位。一室黑白型格装修，中英文店名改得有型，有别于一般传统豆腐铺，电脑机印点菜单，数量、种类一目了然，虽然座位系逼咗啲，但以豆腐铺嚟讲，可接受啦，唔通食到「印印脚」，慢慢hea咩！一坐落，目标系下午茶餐，一共有13款食物配豆腐花或豆浆，$14-$22，差距都好大，改咸豆花或咸豆浆加$3，改黑豆浆加$2，2:30-6:30pm有供应。
F餐 - 即制脆口粢饭 $15我哋叫咗两个F餐，一个配热豆腐花，另一个配热姜汁豆腐花（+$3）。粢饭扎得几够实净，糯米黏糯，加埋肉松、香脆油炸鬼，都叫几好㖞。豆腐花晌现场由师傅即煮即撞，亦系此店卖点，新鲜热辣豆腐花，果然几香滑，豆味颇浓，都甚有水准。如果天气再冻啲，加姜汁当然仲好，胃身丫嘛。
H餐 - 煎酿四宝 $18又叫咗两个H餐，一个配冻豆腐花，另一个配热咸豆浆。四宝有青椒，矮瓜，黑豆腐同普通豆腐，又系现场即酿即煎，咬落够烫口，要小心食，稍为焦点系酿黑豆腐，质地比普通豆腐较实，豆味亦唔见得特别重，唯听人讲黑豆营养成份高；另外，煎酿嘅鱼肉也比较少，得薄薄嘅一层晌面。
卤水鸡中翼拼蛋 $12仲追加多一份卤水鸡中翼拼蛋，有三只卤水鸡中翼，加一只卤水蛋一开四，撒少少葱粒扮得靓仔啲。鸡中翼卤得几入味，而且几大只兼厚肉；反而卤水蛋好一般，无乜味。
成个场人来人往，一枱食完又一枱客，我哋几个都系咁，食完都「拿拿淋」走，因为都见到啲拖住细路买𩠌嘅师奶晌度等位。张贴
