Burgeroom (美麗華廣場1期) (已結業)

今日黎到美丽华呢间专食burger既餐厅，门内外既装修都好有美式风格，非常型格。除左一般既soft drinks，仲有得饮咖啡、生啤同cocktails添！✨软壳蟹汉堡一见到真系哗左声，份量超大呀！厨师好贴心咁一开二，方便share食。软壳蟹既炸衣炸得非常酥脆，而入面既蟹肉就好软滑，味道鲜美，点埋上面既酱汁非常惹味！✨鹅肝牛肉汉堡上面有大大旧鹅肝，非常吸睛！开头都会担心牛肉加鹅肝会好滞，但食落又唔会，因为啲番茄、生菜balance返。鹅肝煎到外层焦香，入面嫩滑，味道浓郁，牛肉仲有超蟹肉汁，非常满足！✨黑松露芝士薯条系粗薯条黎架，炸得劲脆。黑松露既味道唔算太浓，但芝士酱就好多！一定要趁热食，如果唔系啲芝士酱就会硬晒～✨鳕鱼手指鳕鱼手指个炸衣比较厚同酥脆，但入面鱼味浓郁，肉质嫩滑，有两种口感，配埋酸酸甜甜既他他酱，好快就清哂！