影片
更多
2023-05-21
15 浏览
见朋友开心share一间火焰主题嘅餐厅，每个位都真系见到熊熊烈火几得意，今晚去朝圣下。三款前菜甜薯、𩽾𩾌鱼肝同吞拿鱼各有特色，我最钟意吞拿鱼扒新鲜厚实，配埋黑白芝麻好香。牡丹虾、吞拿鱼蓉同黑鱼子呢个奢华嘅组合一啖放入口，一个字鲜，软滑甘香。黑毛和牛刺身开头担心睇落都几生，但肉够靓又有火炙香味都接受到。 芥末籽水菜沙律印象都几深刻，新鲜爽脆，水菜原来仲有一种未食过嘅香气，一路食一路觉得好健康。鹅肝茶碗蒸系分子料理，第一次食到泡沫状态嘅蛋，感觉几得意，幼滑有蛋香。清酒煮帆立贝几大粒，只系轻轻烧咗两面，非常幼嫩仅仅熟。 最特别嘅系上菜时放咗喺金鱼缸上面，下面仲有条金鱼游紧水，打卡一流。炭熏牛舌芯估唔到真系放左旧烧红嘅炭系牛舌上面焗多阵，个焦香真系不得了。 牛舌心同预期一样爽口弹牙，配有梅子盐Wasabi同芥末酱，味道好丰富多变。和牛他他配渍物、紫苏叶同紫菜包住食，即使几样嘢咁浓味都冇抢到和牛嘅味道，牛味好浓好香。白兰地酒香迷你寿喜烧好啱我口味，师傅煮到只系剩返酒香完全唔苦，令到甜甜地嘅寿喜烧更加有层次，和牛当然冇得输，值得一赞呢个小小嘅寿喜烧都用咗好多款唔同嘅蔬菜，豆腐同芋丝都有齐，好有诚意
三款前菜甜薯、𩽾𩾌鱼肝同吞拿鱼各有特色，我最钟意吞拿鱼扒新鲜厚实，配埋黑白芝麻好香。
牡丹虾、吞拿鱼蓉同黑鱼子呢个奢华嘅组合一啖放入口，一个字鲜，软滑甘香。
黑毛和牛刺身开头担心睇落都几生，但肉够靓又有火炙香味都接受到。 芥末籽水菜沙律印象都几深刻，新鲜爽脆，水菜原来仲有一种未食过嘅香气，一路食一路觉得好健康。
鹅肝茶碗蒸系分子料理，第一次食到泡沫状态嘅蛋，感觉几得意，幼滑有蛋香。
清酒煮帆立贝几大粒，只系轻轻烧咗两面，非常幼嫩仅仅熟。 最特别嘅系上菜时放咗喺金鱼缸上面，下面仲有条金鱼游紧水，打卡一流。
炭熏牛舌芯估唔到真系放左旧烧红嘅炭系牛舌上面焗多阵，个焦香真系不得了。 牛舌心同预期一样爽口弹牙，配有梅子盐Wasabi同芥末酱，味道好丰富多变。
和牛他他配渍物、紫苏叶同紫菜包住食，即使几样嘢咁浓味都冇抢到和牛嘅味道，牛味好浓好香。
白兰地酒香迷你寿喜烧好啱我口味，师傅煮到只系剩返酒香完全唔苦，令到甜甜地嘅寿喜烧更加有层次，和牛当然冇得输，值得一赞呢个小小嘅寿喜烧都用咗好多款唔同嘅蔬菜，豆腐同芋丝都有齐，好有诚意。
重头戏A5黑毛和牛柳有返咁上下厚度，一咬落去油花爆晒出嚟，唔需要好复杂嘅调味，简简单单刨咗啲乌鱼子碎，咸香味同牛味相辅相成。
慢煮安格斯封门柳饭肉量估唔到同一个main差唔多，比较扎实重牛味。 来自北海道嘅米好香，烧得焦香嘅封门柳配埋惹味嘅山贼酱，成个组合好完美。
张贴
